- Auglýsing -
Yfirvegun var yfir þeim leikmönnum sem komu saman í æfingatíma íslenska landsliðsins í MVM Dome í Búdapest um miðjan daginn í dag. Magnús Óli Magnússon og Vignir Stefánsson mættu á sína fyrstu æfingu í salnum eftir að hafa leikið sína fyrstu leiki í lokakeppni EM í salnum í gærkvöld þegar íslenska landsliðið vann sigurinn frækilega á Frökkum, 29:21.
Darri Aronsson og Þráinn Orri Jónsson komu til Búdapest í nótt og tóku þátt ásamt nokkrum úr þeim hópi sem fyrir er í borginni og er ekki í einangrun.
Ýmir Örn Gíslason, Ómar Ingi Magnússon, Viggó Kristjánsson, Sigvaldi Björn Guðjónsson og Elliði Snær Viðarsson urðu eftir á hótelinu eins og Guðmundur Þórður Guðmundsson, landsliðsþjálfari, og Gunnar Magnússon aðstoðarþjálfari.
Ágúst Þór Jóhannesson, markvarðaþjálfari sá um æfinguna, svona heilt yfir.
Hafliði Breiðfjörð smellti nokkrum myndum af á æfingunni og birtist hluti þeirra hér fyrir neðan.
Viðureign Íslands og Króatíu í 3. umferð milliriðlakeppninnar hefst klukkan 14.30 á morgun, mánudag. Óvíst er að einhverjir þeirra sem eru í einangrun losni úr henni fyrir leikinn.
- Auglýsing -
