Einar Bragi Aðalsteinsson var valinn maður leiksins í gær þegar lið hans IFK Kristianstad vann Hammarby IF, 31:30, í uppgjöri liðanna í Stokkhólmi í gær. Einar Bragi skoraði sjö mörk og átti einnig stoðsendingar. Hann var vörn Hammarby-liðsins stöðug ógn og fylgdi eftir afar góðri frammistöðu síðustu vikur. IFK Kristianstad tónir á toppi sænsku úrvalsdeildarinnar þegar tvær umferðir eru eftir.
Auk þess að vera í efsta sæti sænsku úrvalsdeildarinnar þá eiga Einar Bragi og félagar fyrir höndum viðureign gegn Benfica á þriðjudaginn í Lissabon. Sigurliðið kemst í fyrstu umferð útsláttarkeppni Evrópudeildarinnar en tapliðið situr eftir með sárt ennið og hefur lokið þátttöku í keppninni.
Einar Bragi illviðráðanlegur er Kristianstad styrkti stöðuna á toppnum
