Íslenskir landsliðsmenn í handknattleik voru hver öðrum betri í leikjum liða sinna í Meistaradeild Evrópu í kvöld þegar fimmtu umferð lauk. Viktor Gísli Hallgrímsson lokaði á köflum marki franska liðsins Nantes þegar liðið vann THW Kiel, 38:30, á heimavelli.
Viktor Gísli varði 15 skot, 35%, og hvarf danski landsliðsmarkvörðurinn Niklas Landin alveg í skuggann af Viktori Gísla sem einnig fór með himinskautum í deildarleik með Nantes á sunnudagskvöld eins og handbolti.is sagði frá á mánudaginn.
Hér er myndskeið af stórbrotnum tilþrifum Viktors Gísla í kvöld.
Still trying to figure out how he saved it! 🤯 Are we looking at one of the best saves of this #ehfcl season? Viktor Hallgrímsson 👏 @HBCNantes pic.twitter.com/LQsr1qnqWx
— EHF Champions League (@ehfcl) October 27, 2022
Ómar Ingi Magnússon skoraði átta mörk og Gísli Þorgeir Kristjánsson sjö þegar Magdeburg vann sér inn eitt stig í heimsókn til Veszprém í Ungverjalandi, 35:35.
Veszprém náði sínu fyrsta stigi í keppninni á leiktíðinni. Bjarki Már Elísson var afar spakur og skoraði aðeins eitt mark fyrir Veszprém.
Haukur Þrastarson þakkaði traustið í kvöld þegar hann fékk óvenju mikið að leika með Łomża Industria Kielce í sigurleik á Celje í heimsókn til Slóveníu, 33:30. Selfyssingurinn skoraði fjögur mörk.
Staðan eftir fimm umferðir:
| A-riðill: | ||||||
| Veszprém | 5 | 5 | 0 | 0 | 170 – 157 | 10 |
| PSG | 5 | 4 | 0 | 1 | 176 – 151 | 8 |
| Magdeburg | 5 | 3 | 1 | 1 | 155 – 144 | 7 |
| GOG | 5 | 2 | 1 | 2 | 159 – 153 | 5 |
| Wisla Plock | 5 | 2 | 1 | 2 | 144 – 146 | 5 |
| Dinamo Búk. | 5 | 1 | 1 | 3 | 157 – 164 | 3 |
| PPD Zagreb | 5 | 1 | 1 | 3 | 138 – 155 | 3 |
| Porto | 5 | 0 | 0 | 5 | 127 – 156 | 0 |
| B-riðill: | ||||||
| Barcelona | 5 | 5 | 0 | 0 | 190 – 149 | 10 |
| Nantes | 5 | 4 | 0 | 1 | 182 – 154 | 8 |
| Kielce | 5 | 4 | 0 | 1 | 171 – 160 | 8 |
| Aalborg | 5 | 3 | 0 | 2 | 171 – 155 | 6 |
| THW Kiel | 5 | 2 | 0 | 3 | 173 – 171 | 4 |
| Pick Szeged | 5 | 1 | 0 | 4 | 146 – 168 | 2 |
| Celje | 5 | 1 | 0 | 4 | 154 – 178 | 2 |
| Elverum | 5 | 0 | 0 | 5 | 134 – 186 | 0 |
