Myndskeið: Viktor Gísli er einn af fimm

Viktor Gísli Hallgrímsson var frábær í íslenska markinu í leiknum við Þjóðverja í gærkvöld á Evrópumótinu í handknattleik í Lanxess-Arena í Köln. Hann varði 13 skot, og var með rúmlega 34% hlutfallsmarkvörslu.

Ein af vörslum Viktors Gísla er á meðal þeirra fimm vöskustu í fyrstu umferð milliriðlakeppninnar, samkvæmt samantekt sem var á vegum Handknattleikssambands Evrópu, EHF.

Syrpuna með fimm bestu vörslum 1. umferðar milliriðlakeppninnar er að finna hér fyrir. Varsla Viktors Gísla er sú fjórða í röðinni.