Nokkur félagaskipti í upphafi árs

Nokkur félagaskipti hafa verið afgreidd hjá HSÍ síðustu daga. Þar á meðal virðist Úlfur Gunnar Kjartansson ætla að taka fram skóna og leika með ÍR á nýjan leik. Hann lék um árabil með ÍR en gekk til liðs við Hauka sumarið 2023 og lék eitt keppnistímabil með liðinu.

Unglingalandsliðskonan Þóra Hrafnkelsdóttir hefur verið lánuð til Stjörnunnar. Einnig er Ingunn María Brynjarsdóttir markvörður komin heim eftir námsdvöl í Danmörku fram að áramótum. Ingunn María var í fyrsta skipti á leiktíðinni með ÍR-ingum gegn KA/Þór í gær.

• Þóra Hrafnkelsdóttir til Stjörnunnar frá Haukum (á láni til 31.5).

• Ingunn María Brynjarsdóttir til ÍR eftir veru í Danmörku síðan í haust.

• Úlfur Gunnar Kjartansson til ÍR frá Haukum.
  
• Jonas Maier frá Herði til Danmerkur.
  
• Marte Syverud til Selfoss frá Noregi.
  
• Ester Amíra Ægisdóttir til HK frá Stjörnunni.

Sjá nánar á félagaskiptasíðu HSÍ.