- Auglýsing -
Viðureign SC Magdeburg og HC Erlangen sem fram átti að fara á öðrum degi jóla í GETEC Arena í Magdeburg hefur verið frestað fram á nýtt ár. Magdeburg og stjórnendur þýsku deildarkeppninnar tilkynntu um þetta í hádeginu í dag. Áður hafði leik Magdeburg og Eisenach, sem átti að vera leikin í gær, verið slegið á frest.
Ástæða frestunar leikjanna er árás á fólk á jólamarkaðinn í Magdeburg á föstudagskvöld þegar óður maður ók á mannfjölda sem var við markaðinn. A.m.k. fimm létust og um 200 slösuðust.
Ákveðið verður síðar hvenær leikirnir fara fram.
- Auglýsing -
