Átta liða úrslit í handknattleikskeppni kvenna á Ólympíuleikunum í Tókýó hefjast skömmu eftir miðnætti og lýkur upp úr hádegi á morgun. Þórir Hergeirsson og leikmenn norska landsliðsins hefja leik við Ungverja klukkan 4.15 í nótt að íslenskum tíma. Norska liðið hefur unnið alla fimm leiki sína á leikunum. Ungverjar fóru rólega af stað og virtust á hraðferð heim eftir þrjá leiki. Þeir voru ekki á þeim buxunum og unnu tvo síðustu leiki sína í riðlakeppninni á sannfærandi hátt. Ungverjar koma því ekki síður fullir sjálfstrausts inn í átta liða úrslitin en leikmenn norska landsliðsins.
Rússar eru ríkjandi Ólympíumeistarar í handknattleik kvenna.
Þrír leikir verða sýndir á rásum RÚV eftir því sem næst verður komist. Þeir sem hafa keypt aðgang að Eurosport eiga þess kost að sjá alla leikina.
Dagskrá átta liða úrslita:
Kl. 00.30 Svartfjallaland – Rússland.
Kl. 04.15 Noregur – Ungverjaland – RÚV.
Kl. 08.00 Svíþjóð – Suður Kórea – RÚV.
Kl. 11.45 Frakkland – Holland – RÚV – sendur út kl.13.
Undanúrslit 6. ágúst:
Noregur/Ungverj. – Rússl./Svartfj.
Svíþjóð/S. Kórea – Frakkl./Holland.
