Frakkinn Nedim Remili var valinn mikilvægasti eða besti leikmaður (MVP) Evrópumóts karla í handknattleik sem lauk í Köln í Þýskalandi í kvöld með sigri franska landsliðsins, 33:31, gegn Dönum í úrslitaleik.
Remili lék einstaklega vel á mótinu. Hann skoraði 34 mörk í níu leikjum og gaf 53 stoðsendingar.
Þess má geta að Remili er samherji Bjarka Más Elíssonar hjá ungverska meistaraliðinu Telekom Veszprém.
Eftirtaldir voru valdir í úrvalslið Evrópumótsins:
Markvörður: Andreas Wolff, Þýskalandi.
Vinstra horn: Hampus Wanne, Svíþjóð.
Vinstri skytta: Martim Costa, Portúgal.
Miðjumaður: Juri Knorr, Þýskalandi.
Hægri skytta: Mathias Gidsel, Danmörku
Hægra horn: Robert Weber, Austurríki.
Línumaður: Ludovic Fabregas, Frakklandi.
Varnarmaður: Magnus Saugstrup, Danmörku.
Evrópumótinu lauk með glæsilegri flugeldasýningu af þaki Lanxess Arena:
