Samúel Ívar hættur þjálfun HK-liðsins

Samúel Ívar Árnason hefur látið af störfum þjálfara meistaraflokksliðs HK í kvennaflokki. Frá þessu var greint á heimasíðu HK í morgun. Ekki fylgir sögunni hver taki við þjálfun HK-liðsins sem féll úr Olísdeildinni í vor. Samúel Ívar var ráðinn til félagsins fyrir ári.

„Sammi stjórnaði liðinu á krefjandi tímum og gerði það af mikilli fagmennsku. Hann gaf mörgum ungum leikmönnum sín fyrstu tækifæri sem hafa náð miklum framförum undir hans stjórn.
HK þakkar honum kærlega fyrir hans framlag til félagsins og óskar honum velfarnaðar,“ segir í tilkynningu HK.

Nokkir leikmenn HK hafa sótt í lið annarra félaga eftir að HK féll úr Olísdeildinni í vor.