Hinum gamalreynda þjálfara og leikmanni Martin Schwalb hefur verið vikið frá störfum hjá þýska liðinu HC Erlangen í Nürnberg eftir fimm mánuði í starfi. Hann tók við í október og átti að snúa við gengi liðsins en lánaðist það ekki. Eftir 15 leiki og aðeins fimm stig í næst neðsta sæti sögðu stjórnendur HC Erlangen honum að taka hatt sinn og staf í dag.
Viggó Kristjánsson gekk til liðs við HC Erlangen um áramótin en náði ekki vegna meiðsla að leika undir stjórn Schwalb.
Johannes Sellin, fyrrverandi landsliðsmaður, og Matthias Obinger taka við þjálfun HC Erlangen þangað til annað verður ákveðið. Sellin var aðalþjálfari Erlangen frá því í apríl á síðasta ári fram í október þegar Schwalb kom til skjalanna. Þá varð hann aðstoðarmaður Schwalb.
Mesta basl
Erlangen er í miklum vandræðum með aðeins fimm stig eftir 19 leiki í næst neðsta sæti þýsku 1. deildarinnar. Þremur stigum á eftir Bietigheim og fimm frá Stuttgart sem eru í næstu sætum fyrir ofan. Liðið á ennþá 15 leiki eftir til þess að bjarga sér frá falli í 2. deild.
