Króatíska landsliðið í handknattleik karla, undir stjórn Dags Sigurðssonar, tapaði fyrir Noregi í upphafsleik Gjensidige Cup-alþjóðlegs-mót sem hófst í Arendal í Noregi í kvöld, 32:26. Norðmenn voru tveimur mörkum yfir að loknum fyrri hálfleik, 16:14. Norðmenn keyrðu upp hraðann þegar á leið og tókst Króötum ekki að fylgja þeim eftir.
Leikurinn er sá fyrsti hjá Degi með króatíska liðið síðan það vann sér inn þátttökurétt á Ólympíuleikunum í forkeppni sem fram fór í Þýskalandi í mars, rétt eftir að Dagur tók við sem landsliðsþjálfari.
Alexander Blonz var markahæstur í norska landsliðinu með 11 mörk. Ivan Martinovic skoraði átta mörk og var markahæstur hjá Króötum sem mæta landsliði Argentínu á laugardag og heimsmeisturum Dana á sunnudaginn. Leikirnir eru kærkominn undirbúningur fyrir Ólympíuleikana í sumar þar sem öll landsliðin fjögur verða með.
Dagur segir í viðtali á X-síðu króatíska handknattleikssambandsins að lið sitt hafi haft í fullu tré við það norska framan af viðureigninni. Hinsvegar hafi það ekki fengið við neitt ráðið þegar Norðmönnum keyrðu upp hraðann. Viðtalið er að finna hér fyrir neðan.
🎤 "𝙉𝙞𝙨𝙢𝙤 𝙗𝙞𝙡𝙞 𝙥𝙧𝙖𝙫𝙞", zaključak je izbornika Dagura Sigurdssona, Ivana Martinovića & Zvonimira Srna za dvoboj protiv Norveške 🔚
— Hrvatski rukometni savez (@HRS_CHF) May 9, 2024
Petak je dan predaha od utakmica, a već u subotu novi dvoboj protiv Argentine 🔜#crohandball #inspiredbyhandball pic.twitter.com/m3wprEpqWy
