Sigurður og Tindur verða um kyrrt hjá Fram

Tveir ungir og efnilegir leikmenn, þeir Sigurður Bjarki Jónsson og Tindur Ingólfsson, hafa framlengt samninga sína til tveggja ára hjá Fram.

Báðir eru þeir 21 árs á árinu. Sigurður Bjarki er línumaður og Tindur er skytta. Þeir eru báðir uppaldir hjá Fram, hafa spilað í gegnum yngri flokka félagsins og eiga að baki fjölmarga titla með yngri flokkum, voru báðir í U-liði Fram sem sigraði Grill-deildina vorið 2024 og hafa verið hluti af leikmannahópi félagsins sem í ár varð bæði Íslands- og bikarmeistari á nýliðnu keppnistímabili.