Sigurður verður áfram með HK

Sigurður Jefferson Guarino hefur skrifað undir nýjan samning við handknattleikdeild HK. Samningurinn gildir til þriggja ára eða út keppnistímabilið 2027. Sigurður hefur spilað upp alla yngri flokka hjá félaginu og er nú orðinn burðarás í liði meistaraflokks félagsins sem situr í 10. sæti Olísdeildar.

Sigurður er línumaður að upplagi en hefur einnig spilað sem hornamaður á þessu tímabili. Sigurður er jafnframt einn allra besti varnarmaður í Olís deildinni.

„Stjórn HK er gríðarlega ánægð með að svo öflugur leikmaður hafi ákveðið að framlengja samning sinn við félagið, enda bindum við miklar vonir við Sigurð,“ segir í tilkynningu.

Staðan og næstu leikir í Olísdeildum.