Haukur Þrastarson meiddist á vinstra hné í leik Kielce og Elverum í Meistaradeild Evrópu í handknattleik í kvöld. Á þessari stundu er ekki ljóst hversu alvarleg meiðslin eru. Ljóst er hinsvegar að menn búa sig undir að meiðslin geti verið alvarleg og jafnvel svo að krossband hafi slitnað.
Örn Þrastarson, bróðir Hauks, sagði í samtali við handbolta.is fyrir nokkrum mínútum að ekkert væri hægt að fullyrða á þessari stundu hversu alvarleg meiðslin væri.
„Haukur fer í myndatöku á laugardaginn í Póllandi. Við vonum það besta, en þetta leit illa út,“, sagði Örn og bætti við að hann hafi heyrt í bróður sínum og hann tæki ástandinu af æðruleysi. „Haukur hefur það ágætt eftir atvikum, en við verðum að bíða frétta úr myndatökunni áður en meira verður hægt að segja.“
Haukur var í ljúka hraðaupphlaupi þegar hann lenti að því er virtist eðlilega en það kom högg á hnéið og hann féll í gólfið. Hann var studdur af leikvelli en mun hafa gengið óstuddur inn í klefa, eftir því sem heimildi handbolta.is herma.
Haukur skoraði sitt fyrst mark í Meistaradeildinni upp úr hraðaupphlaupinu.
