Evrópumót 17 ára landsliða kvenna hefst í Podgorica í Svartfjallalandi í fyrramálið. Íslenska landsliðið verður á meðal 24 þátttökuliða er á meðal þeirra liðs sem eiga leik þegar flautað verður til leiks klukkan 10. Ísland mætir Færeyjum en eftir það taka við leikir gegn Holland klukkan 15 á miðvikudaginn og Sviss á sama tíma dags á föstudaginn. Hverjir verða næstu andstæðingar liggur fyrir að lokinni riðlakeppninni á föstudag. Víst er að átta leikir bíða íslenska liðsins áður en mótinu lýkur 10. ágúst.
Yngri landslið – fréttasíða.
Íslenska landsliðið kom til Podgorica ásamt þjálfurum og liðsstjóra á sunnudaginn frá Skopje í Norður Makedóníu að lokinni þátttöku á Ólympíuhátíð Evrópuæskunnar hvað liðið gerði sér lítið fyrir og vann bronsverðlaun.
Margar fjölskyldur leikmanna eru komnar til höfuðborgar Svartfjallalands þess albúnar að styðja við bakið á liðinu í blíðu og stríðu næstu daga.
Í gær og í dag hafa leikmenn íslenska landsliðsins búið sig undir EM ásamt þjálfurum sínum Díönu Guðjónsdóttur og Hilmari Guðlaugssyni en Hilmar á afmæli í dag.
Hér eru nokkrar myndir frá æfingunni í dag.
Handbolti.is ætlar eftir megni fylgjast með keppni íslenska landsliðsins á EM.
Leikir í riðlakeppni EM:
30. júlí: Ísland - Færeyjar, kl.10.
31. júlí: Ísland - Holland kl. 15.
2. ágúst: Ísland - Sviss, kl. 15.
- Leiktímar eru miðaðir við klukkuna á Íslandi.
- Allir leikir EM 17 ára verða sendir út á ehftv.com.
- Eftir riðlakeppnina tekur við milliriðlakeppni áður en kemur að krossspili á milli liðanna í milliriðli.
- EM 17 ára landsliðs lýkur sunnudaginn 10. ágúst.
