Keppni hefst í Grill66-deild karla í handknattleik í kvöld. Þrír leikir verða á dagskrá og m.a. leika bæði ÍR og Hörður strax á fyrsta leikdegi deildarinnar en liðin þykja líklegust til þess að berjast um efsta sætið samkvæmt spá velunnara handbolta.is þegar þeir spáðu í spilin á dögunum.
Það sem meira er að þau verða á ferðinni í sama íþróttahúsinu þótt þau mætist ekki. ÍR sækir Fjölni heim klukkan 18.30 í Dalhúsum og tveimur stundum síðar leiða Vængir Júpiters (VJ) og Hörður saman hesta sína á sama stað. Þriðji leikurinn í Grill66-deildinni í kvöld verður á milli ungmennaliða Selfoss og Vals í Set-höllinni á Selfossi og byrjar kl.19.30.
Að ÍR og Herði undanskildum þykja lið Þórs frá Akureyri og Fjölnir koma helst til greina að berjast á toppnum.
Spá velunnara handbolta.is um röð liðanna í Grill66-deild karla þegar upp verður staðið í vor:
1.ÍR.
2.Hörður
3.Þór Ak.
4.Fjölnir.
5.Valur U.
6.Haukar U.
7.Vængir Júpiters.
8.Selfoss U.
9.Kórdrengir.
10.Bersekir.
11.Afturelding U.
Vængir Júpiters hafa þegar birt leikmannahópinn sem mætir Herði í Dalhúsum í kvöld. Hann er sem hér segir:
