- Auglýsing -
Spánverjarnir Javier Alvarez og Yon Bustamante dæma viðureign Íslands og Króatíu í milliriðlakeppni Evrópumóts karla í handknattleik í Malmö Arena í dag. Þetta er annað spænska parið sem dæmir leiki íslenska landsliðsins í keppninni en Andreu Marín og Ignacio Garcia héldu upp röð og reglu í viðureign Íslands og Ítalíu í Kristianstad Arena fyrir viku.
Eftir það dæmdu Serbar leik Íslands og Póllands áður en Norður-Makedóníumenn og nýliðar í lokakeppni EM voru í eldlínunni í leiknum við Ungverja á þriðjudaginn. Skiptar skoðanir voru um frammistöðu þeirra.
Andreu Marín og Ignacio Garcia, sem dæmdu leik Íslands og Ítalíu, verða með leik Slóvena og Svía í kvöld í Malmö Arena.
- Auglýsing -
