„Ég er mjög stolt af liðinu. Þetta var að mörgu leyti flottur leikur hjá okkur þótt vissulega hafi verið mistök gerð í vörn sem sókn. Þýska liðið sýndi að það væri einu þrepi ofar en við en á sama tíma sjáum við að við getum alveg veitt þessu liðum mótspyrnu. Við öðluðumst sjálfstraust við þennan leik til þess að fara með inn í tvo næstu leiki,“ sagði Sandra Erlingsdóttir fyrirliði íslenska landsliðsins í viðtali við handbolta.is í Porsche Arena í kvöld eftir sjö marka tap fyrir Þýskalandi í upphafsleik HM kvenna í handknattleik, 32:25.
„Það var ótrúlegt sterkt hjá okkur að koma ítrekað til baka og halda okkur inni í leiknum. Ég held að þær hafi verið orðnar smá stressaðar á tímabili,“ sagði Sandra ennfremur.
„Nú er fyrsta leiknum á HM lokið. Það er margt sem við getum tekið með inn í framhaldið. Næst á dagskrá er að einbeita sér að næsta leik, gegn Serbum eftir tvo sólarhringa,“ sagði Sandra Erlingsdóttir fyrirliði íslenska landsliðsins í viðtali við handbolta.is.
Lengra viðtal við Söndru er í myndskeiði hér fyrir ofan.
Sjö marka tap í hörkuleik í Stuttgart
HM kvenna ”25 – dagskrá, riðlakeppni
Landslið Íslands á HM kvenna 2025
A-landslið kvenna – fréttasíða.
