HK fór létt með Þórsara frá Akureyri í Kórnum í kvöld í fjórðu umferð Grill66-deildar karla í handknattleik, 30:22, eftir að hafa mest náð 12 marka forskoti í síðari hálfleik. HK var fimm mörkum yfir að loknum fyrri hálfleik í viðureign þar sem fyrirfram voru einhverjar vonir um að boðið yrði upp á spennu.
Spennan var hinsvegar engin. Til þess var Þórsliðið of slakt gegn ákveðnu liði HK sem heldur efsta sæti Grill66-deildarinnar með sjö stig að loknum fjórum leikjum. Þór er þremur stigum á eftir og virðist miðað við leikinn í kvöld eiga talsvert í land til þess að veita bestu liðum deildarinnar keppni.
HK – Þór Ak 30:22 (14:9).
Mörk HK: Hjörtur Ingi Halldórsson 8, Hafsteinn Óli Berg Ramos Rocha 4, Kristján Ottó Hjálmsson 4, Kristján Pétur Barðason 3, Símon Michael Guðjónsson 3, Arnór Róbertsson 2, Elías Björgvin Sigurðsson 2, Júlíus Flosason 2, Sigurvin Jarl Ármannsson 1, Kristófer Ísak Bárðarson 1.
Varin skot: Sigurjón Guðmundsson 7, Róbert Örn Karlsson 3.
Mörk Þórs: Josip Vekic 6, Kostadin Petrov 5, Jonn Rói Tórfinnsson 4, Arnór Þorri Þorsteinsson 3, Halldór Yngvi Halldórsson 2, Viðar Ernir Reimarsson 2.
Varin skot: Arnar Þór Fylkisson 14.
Tölfræði leiksins er að finna hjá HBStatz.
Fylgst var með leikjum kvöldsins í öllum deildum á leikjavakt handbolta.is.
