Þór hefur endurheimt efsta sæti Grill 66-deildar karla í handknattleik eftir nokkra fjarveru. Þórsarar færðust upp fyrir Selfyssinga í kvöld með stórsigri á Handboltabandalagi Heimaeyjar, HBH, í Íþróttahöllinni á Akureyri, 45:21. Staðan í hálfleik var 22:9, Þór í hag.
Þegar Þór og Selfoss eiga eftir tvo leiki hvort er Þór með 24 stig en Selfoss 23. Eitt lið fer beint upp í Olísdeildina en liðið í öðru sæti tekur þátt í umspili. Þess vegna er eftir talsverðu að slægjast fyrir lið, sem hafa á annað borð áhuga á þátttöku í Olísdeildinni, að hreppa efsta sætið. Önnur lið en Þór og Selfoss eiga harla litla möguleika á að bá fyrsta sæti Grill 66-deildar. Alltént þarf allt að fara í skrúfuna hjá Þórsurum og Selfyssingum til þess.
Leikir Þórs sem eftir eru:
Gegn HBH á útivelli og HK2 á heimavelli.
Leikir Selfoss sem eftir eru:
Valur2 á útivelli og Fram2 á heimavelli.
Viðureignin í Íþróttahöllinni á Akureyri í kvöld var afar ójöfn og þarf vart að fjölyrða meira um það.
Staðan og næstu leikir í Grill 66-deildum.
Mörk Þórs: Oddur Gretarsson 9, Aron Hólm Kristjánsson 7, Halldór Kristinn Harðarson 7, Þórður Tandri Ágústsson 6, Arnór Þorri Þorsteinsson 4, Bjartur Már Guðmundsson 3, Garðar Már Jónsson 3, Heiðmar Örn Björgvinsson 2, Sigurður Ringsted Sigurðsson 2, Hafþór Már Vignisson 1, Ólafur Malmquist 1.
Varin skot: Kristján Páll Steinsson 14, Steinar Ingi Árnason 5.
Mörk HBH: Ívar Bessi Viðarsson 4, Elís Þór Aðalsteinsson 3, Egill Oddgeir Stefánsson 3, Kristján Ingi Kjartansson 3, Breki Þór Óðinsson 2, Kristófer Ísak Bárðarson 2, Andri Magnússon 1, Heimir Halldór Sigurjónsson 1, Jón Ingi Elísson 1, Ólafur Már Haraldsson 1.
Varin skot: Morgan Goði Garner 4, Sigurmundur Gísli Unnarsson 4.
Tölfræði HBritara.
