Talsverðrar gremju gætir á meðal margra þeirra sem tjá skoðanir sínar með tístum á samskiptaforritinu Twitter með þá ákvörðun heilbrigðisráðherra í morgun að slaka ekkert á sóttvarnareglum til handa íþróttahreyfingunni. Eins og títt er í tístum þá spara sumir á tíðum síst stóru orðin.
Óbreyttar reglur gilda næstu vikuna hið minnsta. Áfram veður ungmennum og fullorðnum óheimilt að stunda æfingar a.m.k. fram til 9. desember.
Stelpurnar sem ég þjálfa hafa ekki keppt síðan í byrjun nóvember 2019. Hvernig í ósköpunum eigum við að halda börnum í íþróttum ef það er engin gulrót? Þær eru að nálgast aldurinn þar sem mest brotfall er hjá stelpum. Á þessum aldri er keppni hápunkturinn hjá nær öllum börnum.
— Elín Lára Reynisdóttir (@ElinLaraRey) December 1, 2020
@BensoHard þessi þungu högg. Ps. mér sýnist reyndar að ríkisstjórnin öll sé í þessu og ekki bara þessu heldur líka tillögum um stuðning við íþróttafélög sem nú liggja fyrir hvar greinilegt er að alla vega fjármálaráðuneytið þekkir lítið til rekstrar íþróttafélaga.
— Grimur Atlason (@grimura) December 1, 2020
Ákvörðun dagins er rothögg fyrir íþróttahreyfinguna. Það mun taka langan tíma að rétta skútuna af. Það er í raun sorglegt að horfa upp á þetta. Ríkisstjórnin lætur sér í léttu rúmi liggja og virðist skorta áhuga og skilning á afreksstarfi. Því miður.Eina.
— Guðjón Guðmundsson (@gaupinn) December 1, 2020
Nú heyrir maður að ekki bara erlendir leikmenn vilji komast í burtu héðan heldur eru íslenskir leikmenn í deildinni farnir að huga að brottför. Komast í burtu frá Íslandi og geta stundað sína íþrótt í friði.Líklega er skaðinn skeður og því miður varanlegur.
— Teitur Örlygsson (@teitur11) December 1, 2020
Áfram heldur bullið. ÍSÍ auðvitað mætt til að berjast fyrir sitt fólk…. eða nei hafa engan áhuga á því. #korfubotli #fotbolti #handbolti #ÍSÍ pic.twitter.com/yIBW6PlaKH
— Arnar Gudjonsson (@ArnarGud) December 1, 2020
Það eru gríðarleg vonbrigði að æfingar á afreksstigi og framhaldsskólaaldri verði ekki leyfðar, þó það væri með öllum þeim takmörkunum sem áður hafa tíðkast (2m reglan, einstaklingsbundinn búnaður).
— 𝕾𝖓𝖔𝖗𝖗𝖎 Ö𝖗𝖓 🏀 (@snorriorn) December 1, 2020
Þetta er galið fyrirkomulag #korfubolti
Síðan hvenær fórum við að hætta að bera okkur saman við aðrar þjóðir, td Norðurlönd, og fylgja þeim sem oftast vita betur? Leyfið íþróttafólki að minnsta kosti að æfa! Meiri andskotans fíflagangurinn sem þetta er orðið…
— Sævar Sævarsson (@SaevarS) December 1, 2020
Íþróttir skipta svo ógeðslega miklu máli fyrir geðheilsu fólks. Komin tími á að ríkisstjórnin setjist niður með ÍSÍ til að fara yfir málin og forgangsraði öllum íþróttum eftir áhættuþáttum. Covid er ekki að fara á morgun og nýtt bóluefni er ekki að koma með sveinka.
— Thorlakur Arnason (@ThorlakurA) December 1, 2020
Hver er að tala máli íþróttahreyfingarinnar ? Einstaka íþróttafréttamenn og þjálfarar, hvar eru forsvarsmenn sambandanna og ÍSÍ ? Af hverju eru þeir ekki að tala máli félaganna og íþróttafólks ?
— Ótthar Edvardsson (@OttharE) December 1, 2020
Hafa komið fram rök fyrir því af hverju 16-20 ára fá ekki að stunda íþróttir eins og 12-16 ára? https://t.co/QcuUzcmWcb
— Ásgeir Jónsson (@sonurjons) December 1, 2020
Þegar 9. desember rennur upp hefur íþróttastarf ungmenna og fullorðinna verið bannað eða takmörkunum háð í 156 daga samtals. 45% af árinu.
— Ingólfur Sigurðsson (@ingolfursig) December 1, 2020
