Tveir leikmenn karlaliðs ÍBV voru úrskurðaðir í eins leiks keppnisbann á fundi aganefndar HSÍ. Annarsvegar er um að ræða Kristófer Ísak Bárðarson og hinsvegar Sigtrygg Daða Rúnarsson. Báðum var sýnt rauða spjaldið í viðureign ÍBV og Aftureldingar í Olísdeild karla í handknattleik í síðustu viku. Sigtryggi Daða var einnig sýnt blátt spjald.
Þriðja rauða spjaldið í haust
Meginástæða þess að Kristófer Ísak fer í leikbann er sú að hann hefur þrisvar fengið rautt spjald, eftir því sem fram kemur í úrskurði aganefndar.
Dómarar mátu að brot Sigtryggs Daða félli undir reglu 8:6 a). Brot sem falla undir þá reglu leiða oftar en ekki leikbanns.
Kristófer Ísak og Sigtryggur Daði verða þar af leiðandi ekki með ÍBV gegn KA á heimavelli í 8. umferð Olísdeildar á laugardaginn.
Sleppa með áminningu
Ída Bjarklind Magnúsdóttir leikmaður Víkings, Anna Katrín Bjarkadóttir leikmaður Aftureldingar og Jón Ómar Gíslason leikmaður Gróttu sem einnig voru útlokuð frá leikjum liða sinna í síðustu umferð Grill 66-deildar kvenna og Olísdeild karla sleppa við bann. Þau eru rækilega minnt á stighækkandi áhrifum útlokana, eins og Kristófer Ísak fær m.a. að súpa seyðið af.
Úrskurð aganefndar er finna í fréttinni hér fyrir neðan.
