Uppselt var á 45 mínútum á fjórða úrslitaleik Aftureldingar og FH í úrslitum Íslandsmótsins í handknattleik karla sem fram fer á Varmá á miðvikudagskvöld. Sölukerfi Stubb.is varð rauðglóandi strax klukkan átta í kvöld þegar forsala hófst. Þremur stundarfjórðungum síðar var síðasti miðinn seldur. Fengu færri miða en vildu.
Sami fjöldi miða var til sölu í kvöld og á aðra viðureign liðanna á miðvikudaginn en þá seldust nærri 1.400 miðar. Ljóst er að eftirvænting er gríðarleg á meðal stuðningsmanna liðanna.
FH hefur tvo vinninga en Afturelding einn og þar af leiðandi fer Íslandsbikarinn á loft á miðvikudagskvöld ef FH fer með sigur út býtum.
Eins og á síðasta leik Aftureldingar og FH að Varmá verður sett upp auka stúka í norðurhlut íþróttasalsins. Stúkan verður fengin að láni úr Þorlákshöfn.
