Staðfest hefur verið að Valur leikur heima og að heiman gegn sænska liðinu Kristianstad HK í 32-liða úrslitum Evrópubikarkeppni kvenna í næsta mánuði. Haukar keppa tvisvar gegn HC Dalmatinka í Ploce í Króatíu, annarsvegar laugardaginn 16. nóvember og hinsvegar sunnudaginn 17. nóvember.
Væntanlega velja Haukar að leika báða leikina ytra til að draga úr kostnaði við þátttökuna sem er meira og minna greiddur af leikmönnum. Valsliðið var öllu heppnara að dragast gegn liði frá Svíþjóð með mun skaplegri ferðakostnaði. Vonast Valur einnig til að fá góðan stuðning á heimaleiknum til þess að auðvelda leikmönnum að standa undir kostnaði sem þátttökunni í Evrópukeppninni fylgir.
Fyrri viðureign Vals og Kristianstad HK verður á Hlíðarenda laugardaginn 9. nóvember. Liðin mætast á ný í Kristianstad Arena viku síðar, 16. nóvember.
Haukar og Valur léku á útivelli í 64-liða úrslitum Evrópubikarkeppninnar í haust. Haukar léku við belgískt félagslið og Valur gegn liði frá Kaunas í Litáen. Íslensku liðin unnu með yfirburðum. Andstæðingar þeirra í 32 liða úrslitum eru talsvert sterkari.
