Viggó og Ómar Ingi eru á meðal þeirra markahæstu

Landsliðsmennirnir Viggó Kristjánsson og Ómar Ingi Magnússon eru á meðal tíu markahæstu leikmanna þýsku 1. deildarinnar þegar keppni er rétt rúmlega hálfnuð. Þeir fylgjast að í fimmta og sjötta sæti. Viggó hefur skorað 120 mörk og er 28 mörkum á eftir Manuel Zehnder sem komið hefur inn í deildina eins og stormsveipur með nýliðum Eisenach.

Ómar Ingi er næstur á eftir Viggó með 113 mörk. Ómar Ingi fór rólega af stað í deildinni í haust meðan hann var að jafna sig eftir langvarandi meiðsli. Hann hefur verið öflugur í síðustu leikjum og farið hratt upp listann.

Elvar Örn Jónsson var á meðal 20 markahæstu leikmanna deildarinnar hann meiddist síðla í nóvember en hefur skiljanlega sigið niður listann enda ekkert leikið með í síðustu leikjum Melsungen.

20 markahæstu í þýsku 1. deildinni eftir 19 umferðir: