Elín Jóna Þorsteinsdóttir, landsliðsmarkvörður, mætti til leiks á ný með Vensdsyssel í dag þegar liðið fékk Randers í heimsókn. Vendsyssel var grátlega nærri því að fá a.m.k. eitt stig úr leiknum. Lánið var með gestunum í lokin og þeir fóru með bæði stigin heim, lokatölur 23:22.
Steinunn Hansdóttir jafnaði metin fyir Vendsyssel þegar ein mínúta var til leiksloka, 22:22, með síðara marki sínu í leiknum. Leikmönnum Randers tókst að skora sigurmarkið áður en leiktíminn var úti.
Vendsyssel er eftir sem áður í botnsæti deildarinnar með eitt stig eftir níu leiki. Liðið sækir Viborg heim eftir viku í 10. umferð.
Uppfært 25.10 – kl. 09.50.
Tölfræði leiksins hefur verið uppfærð en markvörsluna vantaði inn í gær. Elín Jóna átti framúrskrandi leik. Hún varð 13 skot og var með 37,1% hlutfallsmarkvörslu. Ef vítaköst er dregin frá, eins og Danir bjóða upp á, þá var Elín Jóna með liðlega 40% markvörslu í uppstilltum leik.
Elín Jóna lék ekki með Vendsyssel fyrir viku þar sem hún hafði ekki jafnað sig eftir meðferð sem hún gekkst undir vegna meiðsla í mjöðminni.
