AEK Aþena vann RK Partizan í vítakeppni í gær og komst þar með í undanúrslit Evrópubikarkeppninnar í handknattleik karla. Leikurinn var færður til Shumen í Búlgaríu eftir að leikmenn AEK neituðu að leika á heimavelli RK Partizan í Belgrad í kjölfar þess að reyksprengjur sprungu skömmu áður en hefja átti leik í Belgrad fyrir rúmri viku.
Handknattleikssamband Evrópu, EHF, ákvað í framhaldinu að leikið yrði í Búlgaríu og fyrir luktum dyrum.
AEK vann heimaleik sinn, 27:22. Þegar 60 mínútur voru liðnar af viðureigninni í Shumen í gær var RK Partizan fimm mörkum yfir, 24:19. Þar með var efnt til vítakeppni. Í áttundu umferð varði Dan Tepper markvörður AEK vítakast sem varð til þess að AEK vann vítakeppnina, 8:7.
After 30 wins in a row this season the impressive streak of AEK is over!
— Rasmus Boysen (@RasmusBoysen92) April 7, 2025
In a huge drama against RK Partizan in the postponed EHF European Cup quarterfinal played on neutral ground AEK lost 24-19, but won in the 7m penalty shoot-out and are through to the semifinals!#handball pic.twitter.com/bjLKazeqVr
Valsarinn skoraði tvö mörk
Miodrag Corsovic, sem lék með Val fyrir áramót, skoraði tvö af mörkum RK Partizan í gær.
AEK mætir Bosníumeisturum HC Izvidac í undanúrslitum. HC Izvidac lagði Hauka í átta liða úrslitum.
Í hinni viðureign undanúrslita eigast við HC Alkaloid frá Norður Makedónu og norska liðið Runar Sandefjord.
Fyrri leikir undanúrslita fara fram 19. eða 20. apríl í Aþenu og í Skopje. Viku síðar eigast liðin við öðru sinni í Ljubuski og í Sandefjord.
Valur vann Evrópubikarkeppnina fyrir ári.
Sjá einnig:
Myndskeið: Reyksprengjur í Belgrad – leikmenn AEK yfirgáfu leikstaðinn
EHF skipar AEK og RK Partizan að mætast – leikið á hlutlausum velli
Leikið fyrir luktum dyrum í Búlgaríu á mánudaginn
