Þorsteinn Gauti Hjálmarsson hefur samið við norska úrvalsdeildarliðið Sandefjord Håndball. Frá þessu segir í tilkynningu handknattleiksdeildar Fram. Gauti er þriðji leikmaður Íslandsmeistaraliðs Fram sem siglir á vit nýrra ævintýra eftir Íslands- og bikarmeistaratitilinn á síðustu leiktíð.
Hinir eru Reynir Þór Stefánsson sem samið hefur við MT Melsungen og Tryggvi Garðar Jónsson. Tryggvi Garðar leikur með Alpla Hard á næsta keppnistímabili. Þar á ofan liggur Magnús Øder Einarsson undir feldi og veltir fyrir sér nýjum samningi við Fram.
Sandefjord Håndball verður nýliði í norsku úrvalsdeildinni á næstu leiktíð en liðið kom upp úr næst eftir deild í vor eftir nokkurra ára fjarveru.
Þorsteinn Gauti hefur verið lykilmaður í meistaraflokki Fram undanfarin ár og lagt sitt af mörkum innan vallar sem utan. Hann lék í tvö ár með Aftureldingu en mætti til leiks aftur með Fram fyrir fjórum árum.
Síðustu þrjú ár hefur Þorsteinn Gauti átt sæti í finnska landsliðinu.
Hjá Sanderfjord mun Þorsteinn Gauti hitta fyrir Phil Döhler fyrrverandi markvörð FH. Döhler gekk til liðs við Sandefjord í sumar eftir tveggja ára veru hjá HK Karlskrona.
Döhler semur við nýliða norsku úrvalsdeildarinnar
Karlar – helstu félagaskipti 2025
