- Auglýsing -
Viktor Gísli Hallgrímsson er í úrvalsliði Evrópumeistaramótsins í handknattleik sem áhugamenn um mótið völdu en um 10.000 manns víða í Evrópu tóku þátt í kjöri á úrvalsliðinu í gegnum smáforrit Evrópumótsins. Greint var frá niðurstöðununum í morgun.
Hægt var að velja á milli sex leikmanna í hverru stöðu og voru nokkrir íslenskir handknattleiksmenn í kjöri auk Viktors Gísla.
Mikilvægasti leikmaður Evrópumótsins var kjörinn Svíinn Jim Gottfridsson. Þetta er í annað sinn sem Gottfridsson er valinn mikilvægasti leikmaður EM. Hann hreppti einnig hnossið fyrir fjórum árum er sænska landsliðið varð í þriðja sæti.
Pure talent who played a major role in @HSI_Iceland ‘s fantastic journey💎🇮🇸 Viktor Hallgrimsson is your All-star Team Goalkeeper 🌟#ehfeuro2022 pic.twitter.com/ViVhO5gi07
— EHF EURO (@EHFEURO) January 30, 2022
Viktor Gísli er ekki amalegum félagsskap í úrvalsliðinu sem skipað er eftirtöldum leikmönnum:
Markvörður: Viktor Gísli Hallgrímsson, Íslandi.
Vinstra horn: Milos Vujovic, Svartfjallalandi.
Vinstri skytta: Mikkel Hansen, Danmörku.
Miðjumaður: Luc Steins, Hollandi.
Hægri skytta: Mathias Gidsel, Danmörku.
Hægra horn: Aleix Gómez, Spáni.
Línumaður: Johannes Golla, Þýskalandi.
Besti varnarmaður: OScar Bergendahl, Svíþjóð.
Mikilvægasti leikmaðurinn: Jim Gottfridsson, Svíþjóð.
- Auglýsing -
