Annað árið í röð á KA markakóng Olísdeildar

Annað keppnistímabilið í röð kemur markakóngur Olísdeildar karla úr röðum KA. Á keppnistímabilinu 2020/2021 var Árni Bragi Eyjólfsson þáverandi KA-maður markakóngur deildarinnar en að þessu sinni er um að ræða landsliðsmanninn Óðinn Þór Ríkharðsson. Fyrir ári var Árni Bragi fyrsti markakóngur KA í efstu deild karla í 16 ár.

Óðinn Þór var m.a. fenginn til KA í þeim tilgangi að leysa Árna Braga af eftir að sá síðarnefndi ákvað að flytja suður og ganga til liðs við Aftureldingu. Eins og Árni Bragi fyrir ári þá hefur Óðinn Þór ákveðið að kveðja KA eftir keppnistímabilið í vor. Hann samdi undir lok síðasta árs við svissneska liðið Kadetten Schaffhausen.

Enginn af sex markahæstu leikmönnum keppnistímabilsins 2020/2021 er á meðal sex efstu á þessari leiktíð.

Eftirtaldir leikmenn skoruðu 70 mörk eða fleiri samkvæmt samantekt af heimasíðu HSÍ.

Nafn:	Félag:	Mörk:	L.fjö.:
Óðinn Þór Ríkharðsson	KA	149	21
Ásbjörn Friðriksson	FH	136	22
Vilhelm Poulsen	Fram	129	20
Birgir Steinn Jónsson	Gróttu	125	22
Andri Þór Helgason	Gróttu	112	22
Einar Bragi Aðalsteinsson	HK	109	17
Rúnar Kárason	ÍBV	109	21
Guðmundur Bragi Ástþórsson	Aft./Hauk.	108	22
Þorsteinn Gauti Hjálmarsson	Fram	104	21
Hafþór Már Vignisson	Stjörnunni	103	21
Leó Snær Pétursson	Stjörnunni	102	18
Jóhann Reynir Gunnlaugsson	Víkingi	101	22
Arnór Snær Óskarsson	Val	100	22
Jóhannes Berg Andrason	Víkingi	99	22
Sigtryggur Daði Rúnarsson	ÍBV	96	19
Einar Sverrisson	Selfossi	96	19
Kári Kristján Kristjánsson	ÍBV	94	22
Ólafur Brim Stefánsson	Gróttu	92	22
Hjörtur Ingi Halldórsson	HK	86	22
Brynjólfur Snær Brynjólfsson	Haukum	85	20
Ragnar Jóhannsson	Selfossi	82	21
Blær Hinriksson	Aftureldingu	80	22
Árni Bragi Eyjólfsson	Aftureldingu	79	15
Benedikt Gunnar Óskarsson	Val	79	22
Þorsteinn Leó Gunnarsson	Aftureldingu	78	22
Kristján Ottó Hjálmsson	HK	77	20
Breki Dagsson	Fram	74	18
Dagur Arnarsson	ÍBV	74	21
Birgir Már Birgisson	FH	73	21
Heimir Óli Heimisson	Haukum	72	18
Björgvin Þór Hólmgeirsson	Stjörnunni	70	15
Darri Aronsson	Haukum	70	20
Hergeir Grímsson	Selfossi	70	22

Árni Bragi er fyrsti markakóngur KA í 16 ár