Stóri hópurinn fyrir HM tilbúinn

Guðmundur Þórður Guðmundsson landsliðsþjálfari í handknattleik karla hefur valið þá 35 leikmenn sem koma til greina í landsliðshópinn sem tekur þátt í heimsmeistaramótinu sem fram fer í Egyptalandi í janúar. Af þeim eru átta sem leika með íslenskum félagsliðum. Tveir eiga engan landsleik að baki, Elvar Ásgeirsson, Stuttgart í Þýskalandi, og Óskar Ólafsson, Drammen í Noregi.

Í tilkynningu frá Handknattleikssambandi Íslands segir að reikna megi með að 22-24 leikmenn verði í æfingahóp sem kemur saman í janúar. Af þeim fara 20 til Egyptlands en Alþjóða handknattleikssambandið hefur ákveðið að nú verði fleiri leikmenn tiltækir í hverju liði mótsins en áður hefur verið.

Eftirtaldir eru í 35 manna hópnum, nafn, félag, leikjafjöldi og mörk: