„Vörnin í fyrri hálfleik var alltof léleg og það fór með leikinn hjá okkur,“ sagði Guðmundur Helgi Pálsson þjálfari Aftureldingar í samtali við handbolta.is eftir þriggja marka tap fyrir ÍR, 29:26, í 15. umferð Olísdeildar kvenna í handknattleik í Skógarseli í kvöld. Afturelding fékk á sig 17 mörk í fyrri hálfleik og var átta mörkum undir að loknum 30 mínútna leik.
„Leikmenn voru bara ekki tilbúnir frá upphafi og það kom okkur í koll. Ef við ætlum okkur að ná stigum gegn ÍR og fleiri liðum þá verður varnarleikurinn að vera betri en að þessu sinni,“ sagði Guðmundur ennfremur.
Aðeins dró saman með liðunum á allra síðustu míntum en það dugði ekki til. Guðmundur sagði að þegar leið á hafi leikmenn hans þorað að skjóta á markið en vandi Aftureldingar hafi einnig legið í að markverðir ÍR voru vel með á nótunum.
