Kári heldur áfram með Gróttu

Hornamaðurinn Kári Kvaran hefur skrifað undir nýjan tveggja ára samning við Handknattleiksdeild Gróttu. Hann er 22 ára gamall og hefur leikið með öllum yngri flokkum félagsins. Kári skoraði 14 mörk í Olísdeildinni í vetur en hann deildi hornastöðunni á síðasta keppnstímabili með Jakobi Inga Stefánssyni.

Kári lék sinn fyrsta meistaraflokksleik tímabilið 2022/2023 en síðan eru leikirnir orðnir 30.

„Það eru gleðifréttir að Kári verði áfram í herbúðum Gróttu. Miklar vonir eru bundnar við þennan uppalda Gróttumann og verður spennandi sjá hann stíga upp á næsta tímabili,“ segir í tilkynningu handknattleiksdeildar Gróttu.