Annar leikur áttundu umferðar Olísdeildar kvenna fer fram í kvöld í Sethöllinni á Selfossi þegar Haukar sækja lið Selfoss heim. Flautað verður til leiks klukkan 19.30. Selfossliðið lék síðast á mánudaginn gegn Fram í 16-liða úrslitum Poweradebikarsins en Haukar voru á ferðinni í Eyjum á síðasta laugardag hvar liðið vann öruggan sigur, 26:20. Eftir sigurinn eru Haukar með 10 stig eins og Fram sem á ekki leik fyrr en á morgun. Selfoss er í fjórða sæti með sex stig.
Áttunda umferð hófst á þriðjudaginn með viðureign Vals og ÍR í Skógarseli. Valur vann þann leik, 31:23.
Einnig verða tveir leikir í Grill 66-deild kvenna í kvöld, annarsvegar í Fjölnishöll og hinsvegar í Víkinni.
Allir leikir kvöldsins verða aðgengilegir í Handboltapassanum.
Leikir kvöldsins
Olísdeild kvenna:
Sethöllin: Selfoss – Haukar, kl. 19.30.
Staðan og næstu leikir í Olísdeildum.
Grill 66-deild kvenna:
Fjölnishöll: Fjölnir – Afturelding, kl. 19.30.
Víkin: Berserkir – Valur2, kl. 20.
Staðan og næstu leikir í Grill 66-deildum.
