Guðmundur Bragi Ástþórsson og liðsfélagar í Bjerringbro/Silkeborg unnu Skjern á útivelli, 33:29, í 17. og síðustu umferð ársins í dönsku úrvalsdeildinni í handknattleik í dag. Þeir ljúka þar með árinu í fjórða sæti deildarinnar með 21 stig eftir 17 leiki, tveimur stigum á eftir Fredericia HK sem er í þriðja sæti, og tveimur stigum fyrir ofan Skanderborg AGF sem gerði jafntefli við Gindsted í dag, 28:28.
Guðmundur Bragi skoraði eitt mark úr vítakasti í leiknum í Skjern í dag. Næsti leikur Bjerringbro/Silkeborg í dönsku úrvalsdeildinni verður í byrjun febrúar að loknu heimsmeistaramótinu í handknattleik.
Kristján Örn Kristjánsson skoraði eitt mark og átti eina stoðsendingu í jafntefli Skanderborg AGF gegn neðsta liðinu Grindsted GIF á heimavelli. Botnliðið hefur verið að færa sig upp á skaftið síðustu daga og sló m.a. TTH Holstebro út í átta liða úrslitum bikarkeppninnar í vikunni.
Donni og félagar eru einnig komnir í vetrarfrí frá leikjum.
Staðan í dönsku úrvalsdeildinni:
