Tveir leikmenn voru úrskurðaðir í eins leiks bann á fundi aganefndar HSÍ í gær en einn slapp með áminningu, ef svo má segja.
Sólveig Lára Kristjánsdóttir leikmaður KA/Þór hlaut útilokun með skýrslu vegna sérstaklega hættulegrar aðgerðar í leik HK og KA/Þór í Grill 66-deild kvenna 1. febrúar. Dómarar meta að brotið falli undir reglu 8:6 a). Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann.
Anna María Aðalsteinsdóttir leikmaður ÍR hlaut útilokun með skýrslu vegna sérstaklega hættulegrar aðgerðar í leik Gróttu og ÍR í Olís deild kvenna 1. febrúar. Dómarar meta að brotið falli undir reglu 8:6 a). Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann.
Susanne Pettersen leikmaður KA/Þór hlaut einnig útilokun með skýrslu í leik HK og KA/Þórs á síðasta laugardag. Dómarar meta að brotið falli undir reglu 8:5 c). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins.
Aganefnd vekur athygli leikmanna á stighækkandi áhrifum útlokana vegna brota af þessu tagi hvort sem þau hafa leitt af sér úrskurð um leikbann eða ekki.
Leikbönn taka gildi á morgun, fimmtudag.
Oftast lesið síðasta sólarhring:
