Í dönsku úrvalsdeildinni biðu Elín Jóna Þorsteinsdóttir og liðsfélagar í Aarhus Håndbold lægri hluti í viðureign á heimavelli þegar leikmenn Ikast Håndbold kom í heimsókn í gærkvöld. Lokatölur voru 32:25 eftir að Aarhus Håndbold var tveimur mörkum yfir þegar fyrri hálfleikur var að baki, 14:12.
Elín Jóna var í marki Aarhus Håndbold og varði vel, alls 10 skot, 32,2%. Stalla hennar, Sabine Englert, náði sér ekki á strik þann tíma sem hún fékk til þess að láta ljós sitt skína. Hin þýska varði aðeins eitt skot af 11.
Aarhus Håndbold er í 11. sæti af 14 liðum með átta stig þegar 17 leikjum er lokið. Afar stutt er á milli liðanna í neðri hluta deildarinnar. Aðeins munar þremur stigum á EH Aalborg, sem er neðst og á Ringköbing í áttunda sæti.
Ikast sem lagði Aarhus Håndbold í gær er í þriðja sæti með 30 stig. Odense Håndbold trónir á toppnum með fullu húsi stiga eftir 17 leiki. Meistarar Esbjerg eru í öðru sæti með 32 stig, 16 sigra en eitt tap.
Stöðuna í dönsku úrvalsdeildinni og í fleiri deildum evrópsks handknattleiks er að finna hér.
