„Eins og gegn Serbum þá tekst okkur ekki að hrista þá af okkur í dag auk þess sem Simic á leik lífs síns í markinu,“ sagði Bjarki Már Elísson landsliðsmaður í handknattleik í samtali við handbolta.is eftir sigurinn nauma á Svartfellingum, 31:30, á Evrópumótinu í handknattleik í München í kvöld.
„Okkur gekk mikið betur í sókninni í kvöld en á móti kom að okkur tókst ekki að nýta færin sem skildi. Eigum við ekki að segja að allt smelli gegn Ungverjum,“ sagði Bjarki Már og bætti við.
„Við unnum að minnsta kosti leikinn en við vitum það leikmennirnir að þetta var ekki okkar besta frammistaða í dag frekar en í fyrsta leiknum. Við erum hinsvegar bjartsýnir. Á morgun kemur nýr dag og undirbúningur fyrir Ungverjalandsleikinn,“ sagði Bjarki Már Elísson.
Lengra hljóðritað viðtal við Bjarka Már er að finna hér fyrir neðan.
