Íslenskir handknattleiksmenn halda áfram á sigurbraut í sænsku úrvalsdeildinni í handknattleik. Tveir þeirra voru í sigurliðum í dag og unnu samkvæmt sömu uppskrift. Aron Dagur Pálsson skoraði eitt mark þegar Alingsås vann Önnereds á útivelli, 28:24. Daníel Freyr Andrésson átti stórleik þegar hans lið, Guif frá Eskilstuna, lagði Aranäs, 28:24, og það einnig á útivelli.
Daníel Freyr stóð nær allan leikinn í marki Guif og varði 13 skot, 43,3% hlutfallsmarkvarsla. Hann skoraði auk þess eitt mark.
Guif var með tögl og hagldir í leiknum var upphafi til enda og var m.a. fimm mörkum yfir að loknum fyrri hálfleik, 15:10.
Guif er í fjórða sæti sænsku úrvalsdeildarinnar með sex stig þegar fimm leikir eru að baki.
Aron Dagur og félagar í Alingsås unnu í dag sinn fjórða leik röð. Þeir fluttust upp í þriðja sæti. Alingsås er með átta stig eftir fimm viðureignir. Íslendingaliðið IFK Kristianstad er efst með átta stig en hefur aðeins lokið fjórum leikjum.
