Vefmiðill þýska blaðsins Bild segir frá því að landsliðsmaðurinn Elvar Örn Jónsson gangi til liðs við þýsku meistarana SC Magdeburg að ári liðnu. Félagið munu gera við hann a.m.k. tveggja ára samning. Það mun vera ástæða þess að Spánverjinn Antonio Serradilla samdi aðeins til eins árs við Magdeburg í vikunni. Serradilla sé aðeins hugsaður til brúa bilið þangað til Selfyssingurinn mætir til stórliðsins.
Fyrrnefnd frétt Bild um vistaskipti Elvars Arnar er falin inn í frásögn af komu Serradilla, rímar við fullyrðingu handball-leaks sem var varpað fram byrjun apríl um að Elvar Örn verði leikmaður Magdeburg sumarið 2025 þegar samningstími hans hjá MT Melsungen rennur sitt skeið. Elvar Örn hefur verið hjá Melsungen frá 2021 og hefur verið með öflugari leikmönnum liðsins.
Fyrir eru í herbúðum Magdeburg Gísli Þorgeir Kristjánsson og Selfyssingurinn Ómar Ingi Magnússon. Sá fyrrnefndi er samningbundinn félaginu fram til 2028 en sá síðarnefndi til 2026. Janus Daði Smárason, þriðji Selfyssingurinn sem getið er um í þessari frétt lék með Magdeburg á síðasta tímabili en er nú kominn til Pick Szeged í Ungverjalandi.
Sjá einnig: Fullyrt að Elvar Örn fari til Evrópumeistaranna
