Áfrýjunardómstóll HSÍ hefur staðfest dóm dómstóls HSÍ um að ÍBV sé dæmdur sigur, 10:0, í viðureign við Hauka í átta liða úrslitum Poweraderbikars karla í handknattleik. Dómsorð áfrýjunardómstólsins er afgerandi: „Hinn áfrýjaði dómur er því staðfestur og vísað til forsendna hans um vísað til hans um annað en að framan greinir,“ segir í dómnum sem handbolti.is hefur undir höndum. “
Þar með liggur fyrir að ÍBV, sem tapaði leiknum á leikvellinum, 37:29, leikur við FH í undanúrslitum nema að Haukar vísi málinu áfram til íþróttadómstóls ÍSÍ.
ÍBV kærði framkvæmd leiks Hauka og ÍBV í 16-liða úrslitum Poweradebikarsins sem fram fór sunnudaginn 17. nóvember á þeim forsendum að Haukar hafi breytt leikskýrslu eftir að frestur til þess að skila inn skýrslu var runninn út, þ.e. klukkustund áður viðureignin hófst.
Reglan er fortakslaus
„Fyrir dómstóli HSÍ virðist óumdeilt að leikskýrslunni var breytt eftir að greint tímamark var liðið. Í greinargerð áfrýjanda er að finna hugleiðingar um hvort skýrslu hafi í raun verð breytt eða ekki. Gögn bera þó með sér að skýrslunni var breytt þegar innan við 60 mínútur voru til leik eða eftir tímamark til breytinga var liðið.
Að þeirri niðurstöðu fenginni þjóna vangaveltur um hvort breyting hafi verið samþykkt af stefnda hér fyrir dómi (kæranda fyrir dómstóli HSÍ), eftirlitsmaður fallist á eða gert athugasemd við breytingu, engum tilgangi. Reglan er fortakslaus og breyting verður ekki gerð á leikskýrslu síðustu 60 mínútur fyrir leik.
Hinn áfrýjaði dómur er því staðfestur og vísað til forsendna hans um vísað til hans um annað en að framan greinir,“ segir m.a. í niðurstöðu áfrýjunardómstóls HSÍ frá í gær.
ÍBV dæmdur sigur – Haukar ætla að áfrýja
ÍBV kærir framkvæmd leiks vegna breytingar á skýrslu
