Valur vann Hauka, 32:26, í lokaleik 5. umferðar Olísdeildar kvenna í Origohöllinni í dag. Þar með treysti Valsliðið stöðu sína í öðru sæti deildarinnar, stigi á eftir Fram sem er efst. Valur á leik til góða. Þetta var hinsvegar fyrsta tap Hauka sem er með fimm stig eins og KA/Þór en liðin mætast á miðvikudaginn í KA-heimilinu.
Haukar voru marki yfir í hálfleik, 14:13, eftir að hafa verið sterkara liðið. Valsliðið mætti hinsvegar mjög ákveðið til leiks í síðari hálfleik, líkt og það gerði gegn Stjörnunni í fjórðu umferð.
Eftir tæpar tíu mínútur var Valur kominn með fimm marka forskot, 21:16. Haukar höfðu ekki burði til að snúa taflinu við. Valur hélt sínu striki með öflugri vörn og hröðum sóknum og vann sannfærandi sigur.
Mörk Vals: Thea Imani Sturludóttir 7/1, Morgan Marie Þorkelsdóttir 6, Mariam Eradze 5, Elín Rósa Magnúsdóttir 4, Auður Ester Gestsdóttir 3, Hildigunnur Einarsdóttir, 2, Lilja Ágústsdóttir 2, Íris Ásta Pétursdóttir 2, Hildur Björnsdóttir 1.
Varin skot: Sara Sif Helgadóttir 8, 36,4% – Saga Sif Gísladóttir 7, 36,8%.
Mörk Hauka: Sara Odden 7, Ásta Björt Júlíusdóttir 6/2, Elína Klara Þorkelsdóttir 4, Berglind Benediktsdóttir 3, Berta Rut Harðardóttir 2, Ragnheiður Ragnarsdóttir 2, Birta Lind Jóhannsdóttir 2.
Varin skot: Annika Friðheim Petersen 11, 30,5% – Margrét Einarsdóttir 1, 12,5%.
Öll tölfræði leiksins er hjá HBStatz.
Stöðuna og næstu leiki í Olísdeild kvenna má sjá hér.
Handbolti.is var í Origohöllinni og fylgdist með leiknum í stöðu- og textauppfærslu sem sjá má hér fyrir neðan.
