Birkir Benediktsson leikmaður FH, Kristófer Ísak Bárðarson leikimaður ÍBV og Rakel Sigurðardóttir, HK, voru úrskurðuð í eins leiks keppnisbann hvert á fundi aganefndar HSÍ í vikunni. Leikbönnin taka gildi í dag, fimmtudaginn 30. október. Aganefnd hefur ekki alveg sleppt hönd sinni af máli Kristófers Ísaks.
Kristófer Ísak braut af sér í viðureign ÍBV og KA í Olísdeild karla á síðasta laugardag. Dómarar mátu að brot hans félli undir reglu 8:6 b). og reglu 8:10 a). „Er það mat aganefndar að brot leikmannsins geti verðskuldað lengra bann en 1 leik,“ segir í fundargerð aganefndar á fundi á þriðjudag. Var málinu frestað um sólarhring. Ekki hefur verið birt niðurstaða af framhaldsfundinum.
Alexander Ásgrímsson leikmaður Víðis, Baldur Fritz Bjarnason leikmaður ÍR og Natan Theodórsson leikmaður Stjörnunnar 2 sem voru útilokuð í kappleikjum í síðustu viku sleppa með áminningu.
Aganefnd HSÍ | Úrskurður 28.10. ’25
