- Auglýsing -
Væntanlegur andstæðingur Stjörnunnar í forkeppni Evrópudeildar karla í handknattleik, rúmenska liðið Minaur Baia Mare, leikur til úrslita í meistarakeppninni í R’umeníu á morgun gegn tvöföldum meisturum síðasta tímabils, Dinamo Búkarest. Minaur Baia Mare vann HC Buzău í æsispennandi leik í undanúrslitum í dag, 28:27.
Dinamo Búkarest lagði Potaissa Turda, 34:27, í hinni viðureign undanúrslitanna í dag. Eins og í flestum leikjum sínum í Rúmeníu voru leikmenn Dinamo með tögl og hagldir frá upphafi til enda leiksins.
Stjarnan mætir Minaur Baia Mare ytra laugardaginn eftir rúma viku. Síðari viðureignin verður í Hekluhöllinni 6. september. Samanlagður sigurvegari leikjanna tveggja tekur sæti í riðlakeppni Evrópudeildarinn sem hefst í október.
- Auglýsing -
