- Auglýsing -
Handknattleiksdeild Hauka hefur gert samning við Anítu Eik Jónsdóttur um að hún gangi til liðs við félagið í sumar. Aníta Eik kemur frá uppeldisfélagi sínu HK þar sem hún hefur verið einn af lykilmönnum liðsins undanfarin ár í Grill 66-deildinni.
Aníta skoraði 83 mörk í 18 leikjum í Grill 66 deildinni og 13 mörk í 2 leikjum í umspilinu fyrir HK á tímabilinu sem var að líða.
Aníta er fædd árið 2004 og lék m.a. upp yngri flokka HK með Ingu Dís Jóhannsdóttur sem kom til liðs við Hauka fyrir tveimur árum frá HK.
Aníta á að baki leiki fyrir yngri landsliðin.
- Auglýsing -
