- Auglýsing -
Handknattleikskonan Ásta Björt Júlíusdóttir hefur skrifað undir tveggja ára samning við ÍBV. Hún snýr þar með aftur eftir eins árs veru hjá Haukum.
Ásta Björt, sem er örvhent skytta og með öruggari vítaskyttum Olísdeildarinnar, er Eyjamaður í húð og hár. Hún færði sig yfir til Hauka á síðasta ári og lék með þeim 20 leiki í Olísdeild kvenna í vetur sem leið og skorað 103 mörk. Var hún fyrir vikið ein af markahæstu leikmönnum deildarinnar.
„Það eru mikil gleðitíðindi að fá Ástu Björt aftur heim til Eyja og hlökkum við mikið til samstarfsins,“ segir í tilkynningu frá ÍBV þar sem ennfremur kemur fram að Ásta Björt sé í skýjunum yfir að vera komin aftur á heimaslóðir.
- Auglýsing -
