FH tapaði fyrri viðureigninni við Nilüfer BSK í 3. umferð Evrópubikarkeppni karla í handknattleik í dag, 31:23. Leikið var í Bursa í Tyrklandi. Liðin mætast öðru sinni á sama stað á morgun klukkan 14. Samanlögð úrslit leikjanna tveggja ráða því hvort liðið kemst áfram í 32 liða úrslit sem leikin verða í síðari hluta nóvember.
Nilüfer BSK, sem er í þriðja sæti tyrknesku úrvalsdeildarinnar með 14 stig eftir átta leiki, tók fljótlega forystuna í leiknum í dag og hafði m.a. fimm marka forskot að loknum fyrri hálfleik. Í síðari hálfleik var áfram á brattann að sækja hjá FH, ekki síst í sóknarleiknum.
Mörk FH: Símon Michael Guðjónsson 7, Bjarki Jóhannsson 3, Leonharð Þorgeir Harðarson 3, Jón Bjarni Ólafsson 2, Jakob Martin Ásgeirsson 2, Halldór Ingi Jónasson 1, Birgir Már Birgisson 1, Brynjar Narfi Arndal 1.
Varin skot: Daníel Freyr Andrésson 8, 31% – Jón Þórarinn Þorsteinsson 2, 13%.
