Auður Brynja Sölvadóttir hefur skrifað undir nýjan samning við handknattleiksdeild Víkings og er þar með klár í slaginn á komandi tímabili.
Auður hefur verið burðarás í leik liðsins á síðustu árum og tók miklum framförum í varnarleik á liðnu tímabili þar sem hún var meðal annars valin besti varnarmaður liðsins á lokahófi félagsins á dögunum. Auður er sömuleiðis kraftmikill sóknarleikmaður og hefur á síðustu árum verið á meðal markahæstu leikmanna Grill 66-deildarinnar.
„Við erum gríðarlega ánægð með að Auður verður áfram hjá okkur enda lykilmaður í liðinu innan sem utan vallar. Auður sýnir alltaf mikinn metnað og vilja í öllu sem hún tekur sér fyrir hendur og er mikil fyrirmynd fyrir yngri leikmenn félagsins,“ sagði Jón Brynjar Björnsson þjálfari Víkings í tilkynningu handknattleiksdeildar.
