- Auglýsing -
Austurríska handknattleiksliðið HC Fivers stendur vel að vígi eftir fyrri viðureignina við AC Diomidis Augous frá Grikkland sem fram fór í Grikklandi á laugardaginn. Það væri ekki í frásögur færandi nema af þeirri ástæðu að annað hvort þessara liða mætir KA í annarri umferð Evrópubikarkeppninnar í handknattleik karla í lok október og í byrjun nóvember.
HC Fivers vann leikinn í Grikklandi með þriggja marka mun, 30:27. Síðari viðureignin verður í Vínaborg á sunnudagskvöld.
Óvissa um mótherja ÍBV
ÍBV komst áfram í aðra umferð Evrópubikarkeppni karla í gær og á næst að mæta úkraínska liðinu Donbas Donetsk Region. Fátæklegar upplýsingar er að finna um félagið á vef Handknattleikssambands Evrópu og lið félagsins. Það er skráð í Mariupol þar sem ástandið er og hefur verið hræðilegt síðustu mánuði.
Donbas lék fyrir ári, löngu fyrir innrás Rússa í Úkraínu, tvo leiki við sænska liðið Alingsås og tapaði báðum. Hinsvegar er ljóst að lið félagsins á sér langa sögu í Evópukeppni og hefur verið með af og til síðasta aldarfjórðung eða svo.
- Auglýsing -
