Óskar Bjarni Óskarsson þjálfari karlaliðs Vals í handknattleik er nýjasti viðmælandi í nýju hlaðvarpi Arnars Guðjónssonar og Hilmars Árna Halldórssonar; berjast.
Hlaðvarpið snýr að mismunandi hliðum þjálfunar. Óskar Bjarni talar einmitt um í þessum þætti um muninn á því að vera aðalþjálfari og aðstoðarþjálfari og hvernig honum líkar betur við sjálfan sig þegar hann er ekki í sviðsljósinu sem aðalþjálfari.
Þetta er áhugavert í ljósi þess að hann hefur ákveðið að stíga til hliðar eftir þetta keppnistímabil. Hann ræðir einnig hvernig það er að þjálfa syni sína á hæsta stigi, hvernig þjálfaramenningin í Val hefur verið í gegnum tíðina og ýmislegt fleira.
Upplýsingar um hlaðvarpið sem og fyrirlestra sem þeir félagar bjóða uppá er að finna á berjast.is.
Hlekkur á viðtalið við Óskar Bjarna er hérna fyrir neðan.
